ರಕ್ಷಾ ಬಂಧನ..

ಹಿಂದಿಂದೆ ಬಂದೆ,

ಎಲ್ಲೆಲ್ಲೂ, ಹುಟ್ಟಿನಲೂ..

ನನ್ನ ಮೊದಲ ಮಗುವು ನೀ..

ನಿನ್ನಾ ತರಲೆ, ತುಂಟಾಟಗಳೋ,

ಮುಗ್ದ ಮುನಿಸೊಳು ಮುಳುಗಿಸಿ 

ಮನ್ನಿಸೇಳಿಸೋ ಆಟಗಳೂ..

ನನ್ನ ತಾಯಿಯೂ ನೀನೇ..

ನಿನ್ನೊಡನೆಯ ಒಲವ 

ನೆಪ್ಪದೋಳಾಡಿದ  ಜಗಳಗಳೋ ,

ಟೂ ಬಿಟ್ಟು ಮಾತನಾಡಿದ ಕ್ಷಣದ ನಗುವುಗಳು..

ಗೆಳತಿಯಾದವಳು ನೀನೇ..

ನೀ ನಲುಮೆಯ ತಂಗಿ, ಒಡನೆ ಬರುವೆಯಾದರೆ 

ಎಷ್ಟೇ ಜನ್ಮವು ಸಹ್ಯ ನನಗೆ..

ನನ್ನೆಲ್ಲಾ ಬದುಕುಗಳಾ ನಗುವು

ಕೂಡಿ ಬರಲೆಂದೆಂದು ನಿನಗೆ..

ಈ ಬಂಧನದ ರಕ್ಷೆಯೊಳಗಿಹೆವು

ನಾವ್ ಹೀಗೆ...

ರಕ್ಷಾ ಬಂಧನದ ಶುಭಾಷಯಗಳು

ನನ್ನ ಮುದ್ದು ತಂಗಿಗೆ...

- ರೋಹಿತ್..