ಪಾದಕೆರಗುವ ಧೂಳೇ ಧನ್ಯ...
ಪಾದಕೆರಗುವ ಧೂಳೇ ಧನ್ಯ
ನಿನ್ನಯ ಸ್ಪರ್ಶದೊಳಿರಲು,
ಆ ಮುಂಗುರುಳಿನದೇನೇ ಪುಣ್ಯ
ಕಣ್ಗಳೊಡನಾಡುತಿರಲು,
ನಿನ್ನ ಕಣ್ಗಳೊಡನಾಡುತಿರಲು...
ಪಾದಕೆರಗುವ ಧೂಳೇ ಧನ್ಯ ...
ಎಟುಕದ ಚಂದ್ರನು ಇಳಿವನು ಇಳೆಗೇ
ಮಿಟುಕಿಸಿ ಕಣ್ಣ ನಿನ್ನ ಚೆಲುವಿನ ಸಿರಿಗೆ,
ಸೂರ್ಯನೇ ಕರಗುವ ಮೆಲ್ಲನೆ ಧರೆಗೆ
ನಿನ್ನೊಡನೆ ಭುವಿ ಇರೋ ಒಡಲಿನ ಉರಿಗೆ,
ಒಡಲಿನ ಉರಿಗೇ...
ಪಾದಕೆರಗುವ ಧೂಳೇ ಧನ್ಯ ...
ಕವಿಯೇ ಹುಟ್ಟುವ ಪ್ರತಿ ಕಣ್ಣೊಳಗೆ..
ಕವಿಯೂ ಮೂಕನೆ ಬಣ್ಣಿಸ ಕೂತರೆ..
ತಿರುಗೋ ಭೂಮಿ ತಿರುಗಿ ನೋಡಿತು ಮೆಲ್ಲನೆ,
ನಿನ್ನನು ಕಾಣಲು ಒಂದು ಗಳಿಗೆ,
ತೆಗೆಯಲೇ ದೃಷ್ಟಿಯ ಒಮ್ಮೆ ನಿನಗೆ..
ಪಾದಕೆರಗುವ ಧೂಳೇ ಧನ್ಯ ...
ಪಾದಕೆರಗುವ ಧೂಳೇ ಧನ್ಯ
ನಿನ್ನಯ ಸ್ಪರ್ಶದೊಳಿರಲು,
ಆ ಮುಂಗುರುಳಿನದೇನೇ ಪುಣ್ಯ
ಕಣ್ಗಳೊಡನಾಡುತಿರಲು,
ನಿನ್ನ ಕಣ್ಗಳೊಡನಾಡುತಿರಲು...
ಪಾದಕೆರಗುವ ಧೂಳೇ ಧನ್ಯ ...
ಪಾದಕೆರಗುವ ಧೂಳೇ ಧನ್ಯ ...
- ರೋಹಿತ್..
Facebook Page: www.facebook.com/rohitkumarhg1
No comments:
Post a Comment