ಬರಲೇ ನಾನಿನ್ನು...?
ಸಮಯವೂ ಮೀರಿತ್ತು.. ಬಯಸದ ಆ ಕ್ಷಣ
ಕರೆಯದೆ ಬಂದಿತ್ತು..
ಅಮ್ಮನ ಕಣ್ಣಲಿ ಹನಿ ಕಂಬನಿ ಮಿಡಿದಿತ್ತು..
ಅಪ್ಪನ ಮೊಗದಲ್ಲೂ, ಮೇಲಿನ ನಗುವಲ್ಲೂ
ದುಃಖವೊಂದು ನಿಂತಿತ್ತು, ಕೊರಗೊಂದು ಕಂಡಿತ್ತು..
ಬೀಸುತಾ ಕೈಯನು, ಕಳಿಸುವ ಆ ಹೆತ್ತ ಮನಗಳಲಿ,
ಉಕ್ಕೋ ಪ್ರೀತಿಯ ಪೂರ್ತಿಯ ಕಡಲಿತ್ತು..
ಹೊರಬರದ ಮನಸಲ್ಲೇ,
ಭಾರವಿದ್ದ ಎದೆಯಲ್ಲೇ,
ಹೊರ ನಿಂತು ನೆಡೆದು ನುಡಿದೆ..
ಬರಲೇ ನಾನಿನ್ನು..? ಅಮ್ಮಾ..
ಬರಲೇ ನಾನಿನ್ನು..?
- ರೋಹಿತ್
"ತೀರ"
ಆತ್ಮೀಯ ಒಡನಾಡಿಗಳೇ,
೨೦೧೦-೨೦೧೧ ನೇ ಸಾಲಿನ ಹಿರಿಯ ವಿದ್ಯಾರ್ಥಿಗಳ ಬೀಳ್ಕೊಡುಗೆ ಸಮಾರಂಭದ ವಿಶೇಷವಾಗಿ ಮಾಡಲ್ಪಟ್ಟ "ತೀರ" ಎಂಬ ವೀಡಿಯೋ ತುಣುಕನ್ನು ಈ ಮೂಲಕ ನಮ್ಮ ಬ್ಲಾಗ್ ನಲ್ಲಿ upload ಮಾಡುತ್ತಿದ್ದೇವೆ. ನಮ್ಮ ವಿಭಾಗದಲ್ಲಿನ ದಿನಗಳ ನೆನಪನ್ನ ಮತ್ತೆ ನಿಮ್ಮಲ್ಲಿಗೆ ತರುವಂತಹ ಒಂದು ಪುಟ್ಟ ಪ್ರಯತ್ನವು ಇದಾಗಿದ್ದು, ನಿಮ್ಮೆಲ್ಲರ ಮೆಚ್ಚುಗೆಗೆ ಪಾತ್ರವಾಗುತ್ತದೆ ಎಂದು ನಂಬಿದ್ದೇವೆ.
ನಿಮ್ಮ ಪ್ರತಿಯೊಂದು ಅನಿಸಿಕೆಗಳಿಗೂ ಆದರದ ಸ್ವಾಗತ.
ಈ ವೀಡಿಯೊ ತುಣುಕನ್ನು ತಯಾರಿಸಲು ಪ್ರತ್ಯಕ್ಷವಾಗಿ ಹಾಗೂ ಪರೋಕ್ಷವಾಗಿ ಸಹಕರಿಸಿದ ಪ್ರತಿಯೋರ್ವರಿಗೂ ಈ ಮೂಲಕ ಧನ್ಯವಾದವನ್ನು ಅರ್ಪಿಸುತ್ತೇವೆ.
- ರೋಹಿತ್