ಸರಿ ತಾನೇ ???

ನಾವು ಅರ್ಜೆಂಟ್ ನಲ್ಲಿದ್ದಾಗ ಇಡೀ ಲೋಕ slow motion ನಲ್ಲಿ ನಡೀತಿದೆ ಅನ್ಸೊತ್ತೆ..!
ಅದೇ ಸಮಾಧಾನವಾಗಿದ್ದಾಗ ಅದ್ಯಾಕೆ ಹಿಂಗೆ ಅರ್ಜೆಂಟ್ ಮಾಡ್ತಾರೋ ಅನ್ಸೊತ್ತೆ..
ನಾವು ಕಣ್ಣೀರಾದಾಗ ಊರೇ ನಮ್ಮನ್ನ ನೋಡಿ ನಗ್ತಿದೆ ಅನ್ಸೊತ್ತೆ..
ಓದುವಾಗ ಬರೋ ನಿದ್ದೆ exam ಆದ ಕೂಡಲೇ ಕಾಲು ಕಿತ್ತಿರೊತ್ತೆ..?!
ಮರಿಬೇಕು ಅಂತ ಇರೋ ವಿಷ್ಯ ತುಂಬಾ ನೆನಪಾಗೊತ್ತೆ,
ಅದೇ ಬಸ್ ಕಂಡಕ್ಟರ್ ಹತ್ರ ಉಳಿದಿದ್ದ ಚಿಲ್ಲರೆ ಮರ್ತೇ ಹೋಗೊತ್ತೆ... :(
ನಕ್ಕಿದ ದಿನಗಳನ್ನ ನೆನೆಸಿದಾಗ ಕಣ್ಣೇರು ಬರೊತ್ತೆ, ಅತ್ತಿದ್ದು ನೆನೆಪಾದಾಗ ನಗು ಬರೊತ್ತೆ.. :)
effort ಹಾಕೋ ಕಡೆ luck ಗೆ ಕಾಯ್ತಿರ್ತಿವಿ..
ನೋವನ್ನ ನೆನೆಸ್ಕೊಂಡು ಚಿಕ್ಕ ಚಿಕ್ಕ ನಗುನಾ ಮರ್ತಿರ್ತಿವಿ..
ದಿನಗಳಿಂದ ಕಾದಿದ್ದ favourite TV ಶೋ ಶುರು ಆದಾಗಲೇ power ಹೋಗಿರೊತ್ತೆ..!
ಬಾನುವಾರ ಮನೆಲಿದ್ದಾಗ್ಲೇ ಎಲ್ಲಾ ಚಾನೆಲ್ ಗಳು ಹಳಸಲು ಬಡಿಸ್ತಾ ಇರ್ತಾವೆ..
ಗಂಟೆ ಮುಂಚೆ railway ಸ್ಟೇಷನ್ ಗೆ ಹೋದಾಗ train ಅರ್ಧ ಗಂಟೆ late ಆಗಿ ಬರೊತ್ತೆ,
ಎರಡು ನಿಮಿಷ late ಆದಾಗ ON TIME  ಹೊರಟಿರೊತ್ತೆ...
ಬೇರೆಯವರ ತಪ್ಪುಗಳನ್ನ intentional ಅಂದ್ಕೊಳ್ತಿವಿ, ನಮ್ಮ ತಪ್ಪುಗಳಿಗೆ ಕ್ಷಮೆ ನಾ expect ಮಾಡ್ತಿವಿ..

ಹುಟ್ಟು ಆಕಸ್ಮಿಕ, ಸಾವು ನಿಶ್ಚಯ..
ಬದುಕು ಎಷ್ಟು ವಿಸ್ಮಯ..
-- ರೋಹಿತ್

ವರ್ಷದ ನೆನಪು...

         

          ಈ ಕಂದಮ್ಮನಿಗೆ ಈಗ ಒಂದು ವರ್ಷ. "ABCD / AFTD - ಶಿವಗಂಗೋತ್ರಿ" ಹೆಸರಿನಲ್ಲಿ ನಾವು ಹುಟ್ಟು ಹಾಕಿದ ಈ ಗೂಡಿಗೆ ನಾವೆಲ್ಲಾ ಬಂದು ಸೇರಿ ಒಂದು ವರ್ಷವಾಗಿದೆ. ಚಿಗುರೆಲೆಯ ಮೇಲೆ ಇಬ್ಬನಿ ಸರಿದಂತೆ ಕಳೆದವು ದಿನಗಳು. ಒಟ್ಟಿಗೆ ಕಳೆದ ಆ ಒಂದು ದಿನದ ನೆನಪು ಇಂದಿಗೂ ದಟ್ಟವಾಗಿದೆ. ಮತ್ತೊಮ್ಮೆ ಒಂದಾಗೋ ಆ ದಿನಕ್ಕಾಗಿ ಇನ್ನೊಂದು ವಸಂತ ಕಾಯಬೇಕಿದೆ. ಪರಸ್ಪರರ ಒಳಿತಿಗೆ ಹಾಗೂ ಅದರೊಡನೆ ವಿಜ್ಞಾನದ ಬೆಳವಣಿಗೆಗೆ ಎಂದು ನಾವಿಟ್ಟ ಮೊದಲ ಹೆಜ್ಜೆಯ ದಾರಿ ನಮ್ಮನ್ನ ಉತ್ತಮೊತ್ತಮದೆಡೆಗೆ ಸಾಗಿಸುತ್ತದೆ ಎಂಬ ಬಲವಾದ ನಂಬಿಕೆ ನಮ್ಮೊಳಗಿದೆ. ಅದೇ ನಿಟ್ಟಿನಲ್ಲಿ ಎಲ್ಲರ ಕೈ ಸೇರಿಸೋ ಕೆಲಸ ಇನ್ನೂ ಸಾಗುತ್ತಲಿದೆ. ಈ ಒಂದು ಕೆಲಸದಲ್ಲಿ ಜೊತೆಗಿದ್ದು ಸಹಕರಿಸಿದವರೆಷ್ಟೋ? ಬೆನ್ನು ತಟ್ಟಿ ಪ್ರೋತ್ಸಾಹಿಸಿದವರೆಷ್ಟೋ? ಚಿಕ್ಕ-ಪುಟ್ಟ ತಪ್ಪುಗಳನ್ನು ಕಿವಿ ಹಿಂಡಿ ತಿದ್ದಿದವರೆಷ್ಟೋ??... ಮನೆಯೊಳಗಿನ ಬೆಳಕು ಮನ-ಮನಕೂ ಹರಿದು ನಮ್ಮೊಳಗೇ ಬೆಸೆದ ಭಾವಲಹರಿಯ ಪರಿ ಕಂಡು ಹಿಗ್ಗಿದವರೆಷ್ಟೋ???.. ಅಂತಹ ಎಲ್ಲಾ ಕೈಗಳಿಗೂ ಮನಃ ಪೂರ್ಣ ಧನ್ಯವಾದಗಳು.

          ಆದರೇ ಕೆಲವೊಂದು ವಿಚಾರಗಳು ಇನ್ನೂ ಹೊರಬೀಳಬೇಕಿದೆ. ಇದುವರೆಗಿನ ಪ್ರಯಾಣದಲ್ಲಿ ಬಹಳ ಜನರ ಸಹಕಾರದೊಂದಿಗೆ ನಮ್ಮ ಕ್ಷೇತ್ರದಲ್ಲಿನ ವಿವಿಧ ಸಂಶೋಧನಾ ಕೇಂದ್ರ, ಉಧ್ಯಮಗಳಲ್ಲಿನ ಶಿಷ್ಯವೇತನ ಹಾಗೂ ಉದ್ಯೋಗವಕಾಶಗಳನ್ನ ಎಲ್ಲರ ಗಮನಕ್ಕೆ ತರುವ ಕೆಲಸವು ನೆಡೆಯುತಿದ್ದು, ಹೀಗೆ ಮುಂದಿನ ದಿನಗಳಲ್ಲಿ ಹೆಚ್ಚು ಹೆಚ್ಚು ವಿಜ್ಞಾನ ಚಿಂತನೆಗಳು/ವಿಚಾರಗಳು ಎಲ್ಲರಿಂದ ಬರಲಿದೆಯೆಂದು ನಾವು ಅಪೇಕ್ಷಿಸುತ್ತೇವೆ. ಸಾಮಾಜಿಕ ಕಳಕಳಿಯುಕ್ತ ಕಾರ್ಯಗಳನ್ನ ಹೊತ್ತ ಸಲಹೆಗಳೂ ಕೂಡಾ ಸ್ವಾಗತಾರ್ಹ. ಆ ಮೂಲಕ ಎರಡು ವರ್ಷಕೊಮ್ಮೆ ಸೇರುವ ದಿನವಾಗಿ ಉಳಿಸದೆ, ಸಾಗೋ ಹಾದಿಯಲ್ಲಿ ಅಲ್ಲಲ್ಲಿ ಗುರುತುಳಿಸಿ ನಡೆಯುವಂತಹ ಯೋಜನೆಗಳಿಗೆ ರೂಪುರೇಷೆ ನೀಡಬೇಕಿದೆ. ವಿದ್ಯಾರ್ಥಿಗಳಿಗೆ ಉದ್ಯೋಗವಕಾಶಗಳನ್ನು ಹೆಚ್ಚಿಸುವ ದೆಸೆಯಿಂದ CAMPUS RECRUITMENT ನಂತಹುಗಳನ್ನು ಸಹ ಶುರುಮಾಡಲು ವಿವಿಧ ಉದ್ಯಮಗಳಲ್ಲಿರುವ ಎಲ್ಲರ ಸಹಾಯ ಹಸ್ತದ ಅವಶ್ಯಕತೆ ಇರುವುದು ಕೂಡಾ ಅಷ್ಟೇ ಸತ್ಯ.

ನಮ್ಮಿಂದ ಇನ್ನೊಬ್ಬರಿಗೆ, ನಮ್ಮ ವಿಭಾಗಕ್ಕೆ, ವಿಶ್ವವಿದ್ಯಾನಿಲಯಕ್ಕೆ, ವಿಜ್ಞಾನಕ್ಕೆ ಹಾಗೂ ಲೋಕಕ್ಕೆ ಆದ ಕೊಡುಗೆಯೇನು??
ಎಂಬ ಪ್ರೆಶ್ನೆಗೆ ಉತ್ತರಿಸುತ್ತಾ, ಪ್ರತ್ಯುತ್ತರವ ಬಯಸದೇ
ನಡೆಯೋಣ ಜೊತೆಯಾಗಿ ಕಂಡ  ಕನಸುಗಳ ದಿಕ್ಕಿನಲ್ಲಿ...
ಹೊಸ ಹೊಸ ಕಲ್ಪನೆಗಳು, ಬದುಕಾಗೋ ದೋಣಿಯಲಿ
ಒಂದಾಗುವ ನಾವು ಈ ನೆಪದಿ...
ನಾವ್ ನಕ್ಕಿ ನಗಿಸುತಾ, ಪ್ರತಿ ನೋವ ಮರೆಸುತಾ
ಜಗವನೇ ಹಿಡಿಯುವ ಈ ಕರದಿ...

       

ರೋಹಿತ್ ಕುಮಾರ್ ಹೆಚ್. ಜಿ.

ಸಂಶೋಧನಾ ವಿದ್ಯಾರ್ಥಿ

ಜೀವರಸಾಯನ ಶಾಸ್ತ್ರ ವಿಭಾಗ 

ದಾವಣಗೆರೆ ವಿಶ್ವವಿದ್ಯಾನಿಲಯ

ಶಿವಗಂಗೋತ್ರಿ - ದಾವಣಗೆರೆ

E-mail: rohit.biogem@gmail.com

Mob: 9620496302